BE.79 Logu no.124
DI NA PONJOT ROHANGKU

Ayat 1
Di na ponjot rohangku Binaen ni dosangki Paingot au Tuhanku Di hamamateMi
Di hau na pinarsilang i Digarar Ho utangku Marhite mudarMi.

Ayat 2
Tama longang rohangku, mamingkir hata on. PanghophopMi Tuhanku, Di au pardosa on.
Ai hosa ni AnakNa i, dilehon Debatangku, tumobus tondingki.

Ayat 3
Tung aha panginona Ni dosangki di au ? Ai asi ni rohaNa Do paluahon au
Dibaen naung mate Jesuski Ndang be habiaranku Banua toru i

Ayat 4
Antong sai pujionku Do Ho o Jesuski Marningot na tinaonMu Do hamamateMi
Marningot angguhanggukMi Ro di sude na bernit Na tinaonMi disi

Ayat 5
Laos i ma pajujuhon Rohangku sai tongtong Manggotap hajahaton
Sian rohangkinon Unang huhalupahon be HalojaonMu Tuhan Nang tung satongkin pe.

Ayat 6
Urupi au o Tuhan Tumaon di tano on Saluhut parsorion Na songgop tu au on
Ho ma hutiru sai tongtong Manaoni na so uhum na di portibi on.

Ayat 7
Sai naeng ma tiruonku, pambaenanMi di au tu sasude donganku,
Jesus urupi au Manghaholongi donganki, unang tung marpambuat nang marpangansi pe

Ayat 8
Sai sonang ma rohangku Binaen ni bugangMi Di na lao tos hosangku
Marningot mudarMi Pos ma rohangku baenon ni PamasuhonMu ahu Marnida bohiMi.
